يلا نشوف اجدد فيلم هندى

المشهد الاول:

-اميتاب باتشان وهو شباب لسه راكب الفيل بتاعه ورايح الشغل وكالعادة
بيشتغل ظابط وهو راكب قاعد يغنى بالهندى اغنيته المفضلة(واركب
الفيل درجن درجن واتفيل در جن درجن ساعتين فى اليوم واشد
الخرطوم درجن درجن) ---يسمع وهو راكب صوت طفلة رضيعة بتعيط يركن الفيل
على جنب وينزل-يلقى الطفلة فى اللفة جنب الجامع يتاثر جدا اميتاب من
منظرها الرقيق فيغنلها نص ساعة وهية كمان تغنيله نص ساعة ياخدها يحطها
على الفيل عشان الفيل طبعا يوصلها البيت وهو يروح على شغله عشان عندهم
النهاردة تعديل دستور الهند وهو ماشى يبص على اليفط المتعلقة فى كل
انحاء البلد الرئيس شوهان يرفض التوريث يبتسم ابتسامة هندى ويقول
بالهندى الشعب ده هندى

المشهد الثانى:

تفوت سنين اميتاب راجع من شغله وعلى فكرة لسه شباب برضه وداخل البيت
البنت اللى كان لاقيها قدام الجامع كبرت واحلوت بقت عروسة هندى
يعنى يحبها وتحبه ياخدها على الغابة يغنلها نص ساعة وتغنيله نص ساعة
وفجاة تيجى العصابة بتاعة الراجل الشرير حوالى ستين واحد عشان يخطفوا
البنت عشان هى دى البنت الوحيدة فى الهند كلها اللى الراجل الشرير الوحش
عايز يتجوزها اميتاب يحضن حبيبته بايد وشغال ضرب فى الرجالة بايده
الثانية يخلص على الستين واحد كلهم بمسدساتهم بمطاويهم بس للاسف ضافر
واحد منهم خدش دراعه حبيبته تجرى عليه تغنيله نص ساعة ويغنيلها نص ساعة
وياخدها على البيت بسرعة عشان عندهم النهاردة تعديل دستورى وهو ماشى يبص
على اليفط يلاقى مكتوب الرئيس هوجو يوجا شاهى شوهان يرفض التوريث

المشهد الثالث:

تفوت سنين اميتاب باتشان راجع من شغله وبجد بجد لسه شباب برضه يدخل
البيت يلاقى ست كبيرة عجوزة نكتشف ان هيه دى الطفلة الصغيرة اللى لقاها
قدام الجامع فجاة تيجى العصابة تخطفها قدامه المرة دى يجرى وراهم بالفيل
الفور باى فور لغاية ما يوصل لبيت الراجل قليل الادب الشرير اللى اكيد
عنده تمساح يدخل البهو الكبير يلاقى الراجل واقف والست متعلقة من رجلها
فى السقف يدور بعنيه على التمساح يسال الراجل بالهندى:التمساح بتاعك فين
يا عم؟ يرد الراجل بالهندى:فى البير اللى تحت مامتك يتعجب اميتاب
بالهندى مامتى؟ يرد الراجل بشماتة:ايوة الست دى امك نياهاهاهاهاهاه
يبصله اميتاب وهو بيضحك فى سره ويقول:ده عبيط ده ولا ايه؟ يتاثر جدا
اميتاب ويراجع بالهندى نشيد امى نداء المحبة بل ان كل الحب امى ويمسك وجه
الست بحنان ويقولها:انتى امى؟ ترد الست:ايوة يا اميتاب يا ابنى انا
مارضيتش اقولك على الحقيقة المرة دى وانا فى اللفة علشان العار وعشان
تصدق شوف دى تطلعله سلسلة فضة عليها صورة واحد ميعرفوش اكيد ده
ابويا!!! ترد عليه:لا يا ابنى دى صورة واحد كنت ماشية معاه يغنيلها نص
ساعة وتغنيله نص ساعة يحضنها اميتاب بايد كالعادة ويخلص على العصابة
بالايد التانية وطبعا يخلى التمساح ياكل الراجل الشرير السافل الوحش يخرج
من القصر يقول لامه:انجزى يا حاجة علشان عندنا النهاردة تعديل دستور يبص
على اليفط المتعلقة اللى بتقول الرئيس حادى بادى كرنب زبادى شاله وحطه
وكله على دى هوجا يوجا شاهى شوهان يرفض التوريث

المشهد الاخير:

تفوت سنين اميتاب راجع من شغله وكالعادة زى ما انتو عارفين لسه شباب
برضه راجع البيت يلقى الست امه بقت عجوزة اوى فجاة يجى واحد شاب على
موتوسيكل يطخ الولية عيارين يجرى وراه اميتاب بالفيل يكتشف ان الراجل ده
يبقى حفيد الراجل الشرير يقتله اميتاب ويرجع لامه يغنيلها نص ساعة وتغنيله
نص ساعة الست تقوله وهى بتموت:اميتاب يا ابنى انا عايزة اقولك على
سر انا مش امك انا جدتك والراجل اللى انت قتلته ده يبقى ابن اخت
المخرج والراجل الشرير يبقى خالك وابن الراجل الشرير يبقى
عمك والعصابة كلها اخواتك فى الرضاعة يصرخ اميتاب من الصدمة ويغنيلها
نص ساعة وتغنيله نص ساعة والراجل المقتول يغنى نص ساعة الست المجهولة دى
تقوله:انت مش مستعجل ليه المرة دى؟هو مفيش تعديل دستورى النهاردة؟ يرد
اميتاب:النهاردة الخميس اجازة من التعديلات تموت الام يلفها اميتاب
بقماش من بتاع اليفط مكتوب عليه: الشعب اساسا يقبل التوريث

اللي يفهم يرد واللي مفهمش بردو يرد

تسلم اديكى معنى مفهمتش حاجه الا فهمته ان هما بيعدلوا الدستور عشان كان مش عدل

انا فهمت بس حلوة والله وتسلم ايديكي وانت يا احمد فعلاً كلامك صح
كانوا عايزين يعدلو الدستور
[ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههههههههههههههه

منورين يا جماعه

النور نورك

لالا النور نور
الأدمين
ههههههههههههههههههه
ازيكم يا جماعه

ههههههههههههههههههههههههههههههههههههه
تسلم ايدك يا قمر

النور نور الكهربا

ــــــــــــــــ

يسلمو يا روحي

انا مكسل اقرا ده كلو
بس كدة انا فهمت القصة من شرح الاخوة اللى ردو
[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههه
الاخوه اللى ردو مش فاهمين اصلا

» افتراضي ازياء هندى على ذوقي..(تم اضافه مجموعه جديدة). متجدد
» اجدد الافلام محترم إلا ربع
» ♥اجدد فساتين السهره والزفاف للمصمم العالمى هانى البحيرى♥
» احلى و اجمل و اجدد رسائل و مسجات العيد 2010 الجديدة وصلت
» تنزيل و تحميل فيلم سامى اكسيد الكربون ديفيدى dvd من رابط واحد مباشر حصريا على منتديات دريم توداي حمل فيلم سامى اكسيد الكربون حصريا و مجانا من رابط واحد مباشر نسخة ديفيدى ممتازة